Gamla Eimskip lógóið!

Er ekki tækifæri núna til að setja bara gamla Eimskipafjelagslógóið á búningana? Mun falla vel í kramið hjá Tjallanum......

West Ham leikur án auglýsinga á morgun

Ég brast í söng....

Við þessu válegu tíðindi af fegursta hálendi heimsins.....

 

Ó aldagamla Íslandsbyggð

þér ævarandi eg heiti tryggð.

Þú þekkir ekkert illt

þér enginn getur spillt.

Styður öngvin stríð

staðföst, frjáls og blíð.

Engilfríða fósturjörð

fyrir þér liggur tíðin hörð.

Flárátt lævíst lið

landið hatast við

þitt helga hjarn vill fá

hrifsað til sín aftanfrá.

Góða land, gjöfula land!

Gullnir steypast fossar þínir enn.

Sæla fold, sjálfstæða mold!

Sakleysi þitt girnast vondir menn.

Gull þín brjóta gírug flón

er gleypa vilja hið dýra frón.

En aldrei, ástin mín

skal efnd sú myrka sýn

að fjallsins fagra mær

sé forfærð, svívirt, gráti nær.

Glæsta land, gegnheila land!

Gullnir steypast fossar þínir enn.

Ísafold, magnþrungna mold!

Meyjarblóm þitt girnast vondir menn.

Aldrei! Aldregi meir!

Íslandi allt!

Ísland ég elska þig!

Gullnir steypast fossar þínir enn.

Hrjúfa fold, höfuga mold!

Hrekkleysi þitt girnast vondir menn

- illgjarnir menn.

Gamla land! Göfuga land!

Gullnir steypast fossar þínir senn.

 

Allur heiður til Baggalúta.

 

Litlu minna en Hálslón

Þetta er nú samt

.....maðurinn sem ég treysti til að hafa stjórn á bílnum og vera vakandi um umhverfið á aðeins meiri hraða en aðrir. Eins og dæmin sanna eru ekki einu sinni allir færir um að aka á eða undir hámarkshraða.

Schumacher gómaður hraðfara

iPhone - íslenskt hugvit

Ég hef það eftir áreiðanlegum hugmyndum að það hafi íslendingur hannað mjög mikilvægan hluta vélbúnaðarins í þetta galdratæki þe. heilann eða chipið. Mikið hvað íslendingar eru annars góðir í öllu þessa dagana..... Nema sumu.

Dularfulla „iPhone-stúlkan“ heldur vinnunni

Einn umferðarasni enn....

Ég var á leið vestur á Snæfellsnes í morgun , þegar  bifreiðin E 32  tók fram úr mér við Laxá  í Leirársveit á óbrotinni línu.  Allt í fína en ég var samt á 100 km. hraða eða þar um bil, þetta er svartur Landcruiser og örugglega besta skinn ökumaðurinn, samt þarf hann að læra umferðarlögin upp á nýtt.

Framúrakstur á óbrotinni línu er bannaður. Mig langar líka að minna á að framúrakstur hægra megin er bannaður, nema við vinstri beygjur. Það  á alltaf að vera hægt að skipta yfir á hægri akrein án þess að hafa af því áhyggjur að einhver sé þar að aka framúr. Á hinn bóginn má benda á að ef þér finnst vera farið mikið fram úr þér hægra megin, hvernig væri að skipta um akrein? Leiðinlegt að segja en íslendingar eru ótrúlega lélegir í að virða þessar einföldu reglur sem allir aðrir virðast kunna....

Færð og ástand vega

Ein besta vegasjoppa landsins er á Snæfellsnesi

Vegamót er sannarlega ein besta vegasjoppa landsins og þar er hægt að fá allt það sem svona sjoppum tilheyrir á hagstæðara verði en í öðrum sjoppum. Ég var þarna á ferð í gær, svo er ekki verra að stúlkurnar sem voru að vinna eru gullfallegar og hörkuduglegar og töluðu allar íslensku, ekki það að ég kunni ekki önnur tungumál, en mér finnst Íslenska passa best á Íslandi við afgreiðslustörf...

Mikill erill í Stykkishólmi

Hann myrti Messías!

Þessi maður er best settur í fangelsi, þar sem honum verður örugglega lógað af einhverjum öðrum klikkhaus ef frjáls verður. Hann myrti samt engan venjulegan mann, heldur átrúnaðargoð milljóna manna um allan heim. Aumingja Johnnie heitinn er meiri messías í mínum huga en hann Jesús Kr. Jósefsson, sem reyndar líka var myrtur fyrir það eitt að vera til, vinsæll og boða frið og fyrirgefningu.

Chapman neitað um reynslulausn

Umferðarslys á Suðurlandsvegi við Kirkjuferjuafleggjara

Fyrir rétt tæpu ári fórst hann kall faðir minn einmitt í slysi á þessum stað, í vetur milli jóla og nýárs fórum svo við bræður ásamt fríðu föruneyti og reistum krossa til minningar um þá sem höfðu látist á þessum löngu ónýta vegi í fyrra. Þá hélt samflokksmaður minn Kristján Möller ræðu og lofaði bót og betrun þessa vegarspotta sem er búinn að kosta okkur íslendinga allt of mikið í mannslífum undanfarin ár. Ekkert ber hinsvegar á neinum framkvæmdum og nú síðast í dag varð þarna alvarlegt umferðarslys sem má rekja til þess að vegurinn er löngu sprunginn og annar ekki þeirri umferð sem um hann fer, hvort allir ökumenn séu í standi til að keyra eða með athyglina við aksturinn er annað mál. Það verður að gera eitthvað þarna áður en fleiri slys verða og fólk örkumlast eða deyr. Tvöföldun Suðurlandsvegar er mjög brýnt verkefni og það er ekki eftir neinu að bíða, svona gengur þetta ekki lengur og eitthvað verður að gera annað en lýsa yfir einhverju sem ekki verður svo gert....

Hvern langar sossum að hanga þarna í Tottenham þar sem ekkert gerist?

Ég er bara ekkert hissa á að þá langi báða burt enda Tottenham ekkert nema sýningargluggi fyrir leikmennina til að komast eitthvert annað, þar sem titlar koma á innan við 200 ára fresti..

Stjórnarformaður Tottenham kvartar yfir Ferguson og Benítez

Hvenær kemur Sædýrasafn?

Fiskveiði og hafnýtingarþjóðin Ísland á ekkert almennilegt lifandi sædýrasafn. Reyndar eiga Vestmanneyingar eitt lítið og sætt, en ekkert svoleiðis er til á meginlandi Íslands. Mér finnst alveg nóg komið af söfnum sem bjóða upp á aðskiljanlegasta sortiment af gömlu drasli. Ég er meira að segja með eitt svoleiðis í bílskúrnum.

Byggðasafnið verðlaunað