Sláturhús í austurhluta Húsdýragarðsins

Þar sem er voða lítið af krökkum að skoða meme og mumu og hoho að ógleymdum brabra! Geta þessir hvalveiðimenn ekki bara skrattast til einhverra þorpa austur og vestur á landi þar sem volæðið er mest, loksins þegar eitthvað er farið að ganga við að ná pening út úr túristum birtast svona nátttröll aftan úr forneskju á eldgömlum báti sem kvótinn hefur verið seldur af og byrja að trufla peningaflæðið frá túristunum.

Hrefnukjöt er prýðisgott, en það hlýtur að mega veiða þær annarsstaðar en í nágrenni við hvalaskoðunarsvæði. 4-5 mílur til eða frá er einfaldlega ekki nóg til að forðast árekstra. 

Eltu hvalafangara

Athugasemdir

[Sigurjón, 10.7.2008 kl. 03:07]

Eftir því sem ég bezt veit, fara veiðimenn eins langt frá landi og þeir af einhverri skynsemi geta af einskærri tillitsemi við skoðunarmenn.  Af hverju fara ekki skoðunarfyrirtækin út á einhverja firði fyrir austan og vestan land?  Eru ekki meiri tekjur af hvalaskoðun og ferðamennsku en veiðum?

Dæmigerður, öfugsnúin sjálfselskubarlómur hjá ferðaþjónustunni hist og herju.  Af hverju á einn iðnaður í landinu alltaf að fá að vaða yfir annan iðnað?  Hvers vegna á ferðaþjónustan alltaf að fá endalausan séns?

Já og í hvaða á eru svo Sigalda og Hrauneyjar?

[Pétur Sig, 10.7.2008 kl. 13:03]

Það er farið í hvalaskoðunarferðir frá stöðum úti á landi. Það er samt á hreinu að hvalveiðimenn eru þarna að koma aftur eftir langan tíma og gera sig breiða á svæði sem hvalaskoðunarmenn eru búnir að koma sér fyrir á. Er samt athugandi að leyfa fólki fyrst að skoða hvalina lifandi og svo dauða strax á eftir og gefa smakk. Það er líka hægt að gera í Húsdýragarðinum!

Fyrir einhverjum árum runnu Tungnaá og Þjórsá í sitt hvoru lagi þarna sem virkjanirnar eru, en þetta er allt komið saman í einn graut fyrir löngu og vatni veitt til og frá eftir þörfum. Ég held að meirihluti vatnsins sé samt úr Þjórsánni. Þjórsá eða vatnasvæði Þjórsár eru bara hártoganir.

[Sigurjón, 11.7.2008 kl. 21:35]

Búnir að koma sér fyrir á?!  Hversu lengi eru hvalveiðimenn búnir að vera þarna?  Frá því fyrir öldum síðan.  Þó þeir hafi verið neyddir til að hætta í 20 ár, þýðir það ekki að þeir eigi aldrei tilkall til veiða þarna framar, einfaldlega vegna þess að einhver annar iðnaður er þarna líka.  Hvalaskoðun er tiltölulega nýtt af nálinni, en hefur heldur betur gert sig breitt að undanförnu og heimtar allt fyrir ekkert.  Svei!

Það er alveg klárt að Sigalda og Hrauneyjar eru í Tungnaá, sem síðan rennur í Þjórsá eftir Hrauneyjavirkjunina.  Viðurkenndu það bara: Þú vissir þetta bara ekki. 

[Pétur Sig, 11.7.2008 kl. 23:16]

Sigurjón rifrildisseggur! Ég hef farið um þetta svæði oftar en margur annar og ekki náð að henda reiður á standandi á jörðinni hvaða vatn kemur hvaðan! Enda þarf að labba reiðinnar bísn til að sjá það nákvæmlega. Það er búið að færa vatn til Tungnaár með Kvíslarveitu sem er tekið frá Þjórsá og búa til uppistöðulón og græjur út um allt. Tungnaá var ekki það stór ein og sér að það tæki að virkja hana! Í hvaða helvítis sprænu mundir þú segja að Búðarhálsvirkjun verði? Eftir að búið er að bora undir hálsinn og hvorki Þjórsá né Tungnaá hafa nokkurntímann runnið þarna? Hvaðan vatnið kemur í sogsvirkjunum er öllu augljósara... Ég viðurkenni ekki neitt fyrir þér, og ég ræð öllu á mínu eigin bloggi......... Ég veit allt og kann allt mikið betur en þú.... Ef þú kemur með fleiri athugasemdir í þá veru að ég sé ekki bestur þá hendi ég þeim út. Það er lýðræðið á mínu bloggi

[Sigurjón, 12.7.2008 kl. 04:37]

Mikið vorkenni ég þér að vera svona beztur og klárastur.  Það hlýtur að vera erfitt þegar ,,rifrildisseggir" benda þér á að svo er ekki...