Norræna á undan áætlun

Í gær var það fréttin að Norræna var nokkrum klukkutímum á undan áætlun og fólk þurfti að bíða um borð eftir liðsauka frá Tollgæslunni í Reykjavík. Í dag er fréttin sú að Norræna var með fullt af hassi innanborðs og að löggan hafi vitað af því. Ef það er grunur eða vissa fyrirliggjandi um að það sé að koma dóp í hundruðakílóavís til einhvers staðar, afhverju er ekki búið að koma sér í stellingar fyrr? Kannski er þetta tækni sem er notuð við fíkniefnaleit á Íslandi. Er ekki hægt að hafa hreinlega einn hund um borð í Norrænu á leiðinni til landsins og hann getur þá þefað rækilega af öllu í rólegheitum og búið að handsama smyglarana þegar laggst er við bryggju? Þannig tefst för venjulegs fóks af völdum glæpamanna ekki neitt, og allir eru glaðir sem það eiga skilið. Auk þess sem fælingarmáttur þess að hafa leitarhund í skipinu er gríðarlega sterkur.

Ekki tilviljun að hass fannst

Tilkynning til dópinnflytjenda

Í dag er tilvalið tækifæri að smygla svolitlu dópi til landsins með flugi þar sem það er verið að aka með eina fíkniefnileitarhund íslands á hestvagni austur á firði svo hann geti þefað í Norrænu. Aðrir íbúar landsins eru beðnir afsökunar á óþægindunum sem allt dópflóðið veldur þeim, en það sér það hver maður að yfirvöld eru að gera sitt besta.

Norræna á undan áætlun

Ó en hræðilegt!

Það sem blessað fólkið þarf að láta yfir sig ganga.........

Klám í vinnunni tekur á

Ruslpóstur

Alltaf gaman að fá sendan tölvupóst frá einhverjum úti í heimi sem langar að gefa manni millions of dollars. Núna um daginn sendi John Benson lögmaður frá Nígeríu mér bréf þar sem hann lofaði mér einhverjum slatta af milljónum og setti svo upp einhverja bulláætlun um að millifæra og bla bla bla..    Ég svaraði manninum svona:

" Hi Johnny my friend

I'm so glad you left me 5 million dollars in a security vault in Europe, that now I want to kiss you sooo much. How about we meet somewhere romantic like Paris, there you can give me the 5 mill in a black duffel bag in unmarked bills. We can enjoy this and maybe we can even enjoy the famous hóruhouses in Paris together?"

Við þessu kom svar strax næsta dag: "Try to contact Mark ok" 

Ekki sagði hann mér hver Mark er, eða hvernig ég á að finna hann. Nú vantar mig sumsé að finna hann Mark með millurnar mínar.... 

Er með réttu konuna í djobbið!

Brynja Davíðsdóttir hamskeri mundi gera þetta vel og vandlega. www.brynjataxidermy.com

Ísbjörninn verður stoppaður upp

Má ég fá hann?

Mig hefur svo lengi langað í svona ísbjarnarfeld fyrir framan arininn, nú vantar ekkert nema arininn.

Leiðinlegt samt að þurfti að fella bangsagreyið, en frekar hann en nokkra skagfirðinga, þeir eru víst sómafólk.

Ísbjörninn felldur

Þjóðaríþrótt breta

Svo sorglegt sem það nú er er það orðið mjög algengt hjá bretum þegar þeir koma heim úr fríinu að þeir séu spurðir "Og hvað náðirðu að fá mikið endurgreitt?" en ekki hvort það hafi verið gaman. Við erum farin að finna fyrir þessu sporti hér í íslenskri ferðaþjónustu líka. Það er hreint með ólíkindum hvað fólk getur laggst lágt. Ætli þessum manngarmi hefði þótt betra ef allt hefði farið fram á Grísku? Hann var nú einu sinni í útlöndum og þar er oftast töluð útlenska.

Fær bætur vegna of margra Þjóðverja

Útkall!

Drífa sig og tappa ólituðu olíunni af og dæla lituðu olíunni á tankana!

Þegar þið svo loksins komist af stað í sjálfboðavinnu við að bjarga ættingjum og vinum mannana sem setja reglurnar og framfylgja þeim í blindni, megið þið ekki vera pirraðir á einhverjum möppudýrum sem ekki sjá út fyrir skrifborðsbrúnina.

Samkeppni við einkaaðila? Hvað eru mörg dráttar og björgunarbílafyrirtæki sem geta reddað fólki norður við Font á Langanesi samdægurs og á einhverju verði sem er mögulegt fyrir venjulegt fólk í sumarfríi að borga? 

Deilt um litaða olíu á björgunarsveitabílum

Yndislega sveitó og næs.

Mikið er nú yndislegt að heyra baulið í kúnum í húsdýragarðinum hérna í Laugarásnum, ég ætlaði reyndar aldrei að fatta hvaðan þetta kemur og var farinn að gruna einhvern nágrannann um að vera með ólöglega ostaframleiðslu í kjallaranum hjá sér. Mig langar annars að vera með hænur í garðinum, það getur ekki verið verra að láta þær skíta í garðinn en ketti og hunda nágrannanna, auk þess sem ég gæti spælt egg í sjálfbæru nirvana...

Yfirgangur!

Var búið að efna til grenndarkynningar og stofna til umræðu um færslu þessa fallega skjaldarmerkis á einhvern allt annan stað en við höfum vanist síðastliðin ár? Er það ekki óskiljanlegur yfirgangur borgaryfirvalda að gera svona án samráðs við borgarana? Var búið að tilkynna þetta skipulag og kynna það fyrir öllum sem vettlingi geta valdið? Svarið er nei, og ég held reyndar að flestum ef ekki öllum sé skítsama, þar á meðal mér :)

Rúlla yfir merki Reykjavíkurborgar