Útkall!

Drífa sig og tappa ólituðu olíunni af og dæla lituðu olíunni á tankana!

Þegar þið svo loksins komist af stað í sjálfboðavinnu við að bjarga ættingjum og vinum mannana sem setja reglurnar og framfylgja þeim í blindni, megið þið ekki vera pirraðir á einhverjum möppudýrum sem ekki sjá út fyrir skrifborðsbrúnina.

Samkeppni við einkaaðila? Hvað eru mörg dráttar og björgunarbílafyrirtæki sem geta reddað fólki norður við Font á Langanesi samdægurs og á einhverju verði sem er mögulegt fyrir venjulegt fólk í sumarfríi að borga? 

Deilt um litaða olíu á björgunarsveitabílum

Yndislega sveitó og næs.

Mikið er nú yndislegt að heyra baulið í kúnum í húsdýragarðinum hérna í Laugarásnum, ég ætlaði reyndar aldrei að fatta hvaðan þetta kemur og var farinn að gruna einhvern nágrannann um að vera með ólöglega ostaframleiðslu í kjallaranum hjá sér. Mig langar annars að vera með hænur í garðinum, það getur ekki verið verra að láta þær skíta í garðinn en ketti og hunda nágrannanna, auk þess sem ég gæti spælt egg í sjálfbæru nirvana...

Yfirgangur!

Var búið að efna til grenndarkynningar og stofna til umræðu um færslu þessa fallega skjaldarmerkis á einhvern allt annan stað en við höfum vanist síðastliðin ár? Er það ekki óskiljanlegur yfirgangur borgaryfirvalda að gera svona án samráðs við borgarana? Var búið að tilkynna þetta skipulag og kynna það fyrir öllum sem vettlingi geta valdið? Svarið er nei, og ég held reyndar að flestum ef ekki öllum sé skítsama, þar á meðal mér :)

Rúlla yfir merki Reykjavíkurborgar

Rétttrúnaður?

Á hvurn skrambann trúa mennirnir svona líka rétt?

Þúsund ára gamalt kvennabann brotið

Sirkus!

Mikið held ég að þessari ungu konu hljóti að líða vel í fjölmiðlasirkusnum sem búið er að stofna til í kringum þessa ljótu atburði í Amstetten, það fyrsta sem hún sér þegar hún verður útskrifuð verða fyrirsagnir á borð við "Sjáið! Hún er systir sín og frænka".  Farsælast tel ég að fjölmiðlar dragi sig nú í hlé og leyfi tímanum að græða sárin sem hægt er.

Kerstin Fritzl vöknuð úr dái

Þrugl...

Þó ég sé bærilega upplagður og ágætlega læs, þá skil ég ekkert hvað þessi frétt er að reyna að segja. Ég sé orðin og tölurnar en samhengið nær ekki til mín, þannig að eftir lesturinn er ég engu nær......

Afgerandi niðurstaða úr netkosningu um Gjábakkaveg

David Villa!!!!!

Er víst búinn að skrifa undir hjá Liverpool, hann vill endilega fá að spila með Torresi.....

Everton líka orðað við Joaquín

Höll?

Það er engin höll í nágrenni þessa garðs, hversvegna er hann þá kallaður þetta? Það er reyndar engin höll á Íslandi, síðan notkun Templarahallarinnar var breytt.

Er það annars rétt sem ég held að húsræflarnir neðst á Laugaveginum hafi verið keyptir fyrir svipaða upphæð og þetta stórglæsilega hús þe. Fríkirkjuvegur 11 var selt. Jah ljótt er ef satt er...

Óska eftir umræðu um Hallargarðinn

Umhverfisvænn!

Þetta er flott og um að gera að nota hlutina sem lengst, ég er reynar viss um að þessi er umhverfisvænni en Lexus Hybrid grínbíllinn sem verið er að nota núna....Hann eyðir 13 lítrum á hundraðið sá....

Fyrsti forsetabíllinn

En reynum samt,

að hindra með öllum tiltækum ráðum að íslenskt almúgapakk geti verslað í matinn á lægra verði. Ég er viss um að þetta pakk mun bara éta sig feitt og verða fyrr en varir að heilbrigðisvandamáli. Það er mikið betra fyrir þjóðarbúið að nokkur kjúklingabú fái ekki verðuga samkeppni utan frá heldur en að íslendingar geti keypt sér ódýrt að éta.

Ég bendi þeim sem ekki vilja evrópska kjötvöru á að kaupa bara áfram íslenskt. Í Evrópu búa hundruðir milljóna fólks sem ekki hefur orðið meint af ketinu sem er þar framleitt,  í nokkur ár var ég meiraðsegja einn af þeim :)

Spáir miklum innflutningi á kjúklingabringum